Tërheqje e vërejtjes nga lëshimet në edukimin e fëmijëve

Youtube/Tezkije

Muhamed ibn Ibrahim el-Hamed

17.04.2014

Ashtu siç prindërit kanë të drejta ndaj fëmijëve të tyre, ashtu edhe fëmijët kanë të drejta ndaj prindërve të tyre.

Ashtu siç Allahu i Madhëruar na ka urdhëruar për mirësi ndaj prindërve, Ai poashtu na ka urdhëruar edhe për mirësi ndaj fëmijëve tanë.

Mirësia ndaj tyre dhe vullneti për edukimin e tyre është përmbushje e amanetit, ndërsa neglizhenca ndaj tyre dhe mangësia në plotësimin e të drejtave të tyre është mashtrim dhe tradhti.

Tekstet sheriatike prej Kur’anit dhe sunetit janë shquar me urdhëresa për mirësjellje ndaj fëmijëve dhe përmbushjen e amanetit ndaj tyre, dhe me tërheqje të vërejtjes ndaj neglizhimit të tyre dhe lëshimeve në realizimin e të drejtave të tyre.

Allahu i Lartësuar ka thënë (përkthim dhe përshtatje)[1]: “Allahu ju urdhëron që amanetet t’jua ktheni atyre që u përkasin.” (en-Nisa: 58)

Dhe ka thënë: “O besimtarë! Mos e tradhtoni Allahun dhe të Dërguarin, e ti tradhtoni kështu amanetet me vetëdije.” (el-Enfalë: 27)

Dhe ka thënë: “O ju që keni besuar! Ruani veten dhe familjet tuaja nga zjarri, lënda djegëse e të cilit janë njerëzit dhe gurët. Atë e mbikëqyrin engjëj të fuqishëm e të ashpër, të cilët kurrë nuk i kundërshtojnë urdhrat e Allahut, por e zbatojnë menjëherë atë me të cilën urdhërohen.” (et-Tahrim: 6)

Ndërsa i dërguari (salallahu alejhis ue selem) ka thënë: “Të gjithë ju jeni mbikëqyrës dhe jeni përgjegjës për kopenë tuaj; Prandaj imami është mbikëqyrës dhe përgjegjës për kopenë e tij, burri është mbikëqyrës i familjes së tij dhe përgjegjës për kopenë e tij.”[2] Dhe ka thënë: “Çdo robi të cilit Allahu ia ka caktuar një kope ndërsa atë e ka zënë vdekja duke qenë mashtrues ndaj kopesë së tij, Allahu ia ka bërë të ndaluar atij Xhennetin.”[3]

(... vazhdon)

Përktheu dhe përshtati, Hekuran Helshani

[1] Kur thuhet se Allahu ka thënë nënkuptohet se ka thënë në Librin e Tij Fisnik - Kur’anin, dhe në gjuhën arabe.

[2] Bukhariu me “el-Fet’h” (583), dhe Muslimi (1829).

[3] Transmeton Bukhariu 112/13, dhe Muslimi (142).