(7) Nuk ka gjë më të dëmshme për studentin sesa këto gjëra:

1-  Nxitimi

2-  Vetëpëlqimi

3-  Debati i tepërt

4-  Konsiderimi i dijes urë për dynjanë

E përbashkëta e këtyre pikave është fakti se janë sëmundje të dëmshme që mund ta rrënojnë studentin që në fillim, në mes ose në fund të rrugës. Prandaj askush nuk duhet të mashtrohet me faktin që akoma s’ka rënë dhe as me faktin që të tjerët e lavdërojnë apo ka reputacion të lartë, sepse shumë shpejt do të bjerë.

Gjithashtu këto pika e largojnë studentin nga mësimi dhe i japin idenë se kush fiton reputacion mes njerëzve ka arritur kualifikimin e duhur, kështu që nuk i jepet dijes me zellin që kërkohet dhe është i destinuar të shkëputet prej saj.

Kurse nxitimi, zakonisht ndodh në hapat e para të rrugës së dijes, duke dashur të hidhet në shkallët më të larta me një hap të vetëm, duke u shndërruar në rrezik për t’u rrëzuar e për t’u dëmtuar, duke rënë aq keq sa nuk mund të ngrihet më. Nxitimi përgjithësisht ndodh për arsye dynjaje.

Ose mund ta nxisë dëshira për konkurrencë, dukja e rrugës së dijes shumë e gjatë dhe përfytyrimi i gabuar i diturive në arenën e nxitimit, që të marrë guximin të përfaqësojë atë që nuk e ka në kompetencë dhe të drejtojë me paaftësi, siç thotë dhe imam Shafiu: “Kush kërkon të drejtojë i ri, ka për të lënë shumë dije pa marrë”.

• (11) Një person me urtësi i shkroi vëllait të tij këto fjalë
• Besimi në uluhijen e Tij (njëshmërinë e adhurimit)
• Pozita e Sunetit në raport me Kuranin
• Përpjekjet e dijetarëve për ruajtjen e hadithit
• (10) Asgjë nuk e zëvendëson dijen.
• (9) Cili është problemi më i madh për studentin sot
• (8) Studenti ka shumë nevojë për katër gjëra
• Devijim i pjesshëm nga ana e grupeve të ndryshme në zotërim
• (7) Nuk ka gjë më të dëmshme për studentin sesa këto gjëra
• (6) Dituria është shkëmbim
• (5) Për në rrugën e dijes, nuk duhet të justifikohesh asnjëherë me moshën
• Respektimi i Sunetit, vlera e hadithit dhe bartësve të tij
• (4) Rruga më e suksesshme për të pasur arritje në dije, është t’i marrësh dijet një e nga një
• (3) Sa më shumë zgjerohen njohuritë dhe dija, aq më tepër justifikon kundërshtarët
• Allahu është Urdhëruesi, kurse të tjerët përveç Tij janë të urdhëruar