07.05.2014
Përkundër përgjegjësisë së madhe që mban me vete edukimi i fëmijëve, prapë se prapë shumë njerëz e kanë neglizhuar atë dhe e kanë nënvlerësuar, dhe nuk i kanë kushtuar asaj kujdesin që duhej kushtuar, kështu që i kanë bërë fëmijët e tyre të humbasin dhe kanë injoruar edukimin e tyre duke mos u interesuar e pyetur për ta dhe duke mos iu qasur atyre me dialog për problemet e tyre. E kur filluan të vërejnë rebelim prej tyre dhe devijim atëherë filluan të ankohen e të qahen nga kjo, dhe nuk e kuptuan që ata ishin shkaku i parë i këtij rebelimi e devijimi, siç kanë thënë:
Të lidhur në det e hodhi e i tha
Kujdes! Kujdes uji mos të të lag
Mangësia në edukimin e fëmijëve merr forma të llojllojshme, prej aspekteve të shumta të cilat ndikojnë në devijimin dhe rebelimin e fëmijëve janë këto në vijim[1]:
1. Rritja dhe edukimi i fëmijëve përmes frikësimit, trembjes, panikut dhe trishtimit
Ajo që vërehet në metodën tonë të edukimit është frikësimi i fëmijëve duke i bërë ata të qajnë për ti qetësuar; i frikësojmë me vampirë, babarroka, hajdutë, shejtanë, fishkëllima të stuhisë, e të tjera.
Dhe më e keqja e kësaj është frikësimi i tyre përmes mësuesit, shkollës, apo mjekut; dhe kështu fëmiu rritet frikacak, i druajtur, ikë prej hijes së vet dhe frikësohet prej gjërave që s’janë të frikshme.
Gjëja më e rëndë që mbjell tek fëmiu frikën dhe ngurrimin është shqetësimi që ne shfaqim kur ai rrëzohet dhe i rrjedh gjak nga fytyra, dora apo gjuri i tij; Kështu që, në vend që nëna e tij të buzëqeshë dhe t’ia largojë vëmendjen nga frika që ai ndjen, dhe ta bëjë atë të ndjehet se kjo është një gjë e thjeshtë, e sheh se vetë ajo shqetësohet e frikësohet duke i goditur faqet dhe gjoksin e saj, duke kërkuar ndihmë nga anëtarët tjerë të familjes, e duke e zmadhuar edhe më tepër fatkeqësinë; rrjedhimisht fëmiu e shton të qarët e tij, dhe kështu sa herë të sheh gjak apo të ndjejë dhembje, ai do të shqetësohet dhe frikësohet.
2. Edukimi i tyre për të qenë gjaknxehtë, për gjuhë të paturpshme dhe nënçmim të të tjerëve; gjithë kjo në emër të trimërisë[2]
Kjo është një defekt në edukimin e fëmijëve dhe është e kundërta e të parës. E sakta është në mbajtjen e mesatares.
3. Edukimi i tyre në labilitet dhe konfuzion, dhe adaptimi i tyre në lukse, mirësi dhe ekstravagancë
Në këtë mënyrë fëmiu rritet në lukse dhe mirësi, dhe e vetmja brengë e tij është vetvetja e tij dhe kaq. Ai nuk brengoset për të tjerët, nuk pyet për vëllezërit e tij musliman, nuk merr pjesë në gëzimet e tyre, dhe nuk e ndanë me ta pikëllimin e tyre.
Prandaj, edukimi i fëmijëve në këtë aspekt e shkatërron natyrshmërinë (fitren), e mbyt korrektësinë, dhe çrrënjos zemërgjerësinë dhe trimërinë.
4. Lëshimi i dorës në dhënie dhe jepja atyre çdo gjë që dëshirojnë
Disa prindër u japin fëmijëve të tyre çdo gjë që ata kërkojnë dhe nuk u ndalojnë atyre asgjë nga ajo e dëshirojnë. Vëren se ata i lëshojnë plotësisht duart e tyre në dhënie ndërsa fëmijët e tyre abuzojnë me pasurinë e tyre, e harxhojnë atë në zbavitje dhe gjëra të kota, gjë që i bën ata të mos ia dinë vlerën pasurisë dhe mos ta harxhojnë atë në mënyrën e duhur.
(vazhdon ...)
Përktheu dhe përshtati, Hekuran Helshani
[1] Shiko: “Edukata jonë shoqërore”, dr. Mustafa Sibai, fq. 155-161; dhe “Të drejta për të cilat thërret natyrshmëria e njeriut dhe të cilat i ka pohuar sheriati”, nga dijetari i njohur Muhamed ibn Uthejmin, fq. 9-11; dhe “Përgjegjësia në Islam” nga dr. Abdullah el-Kadirij, fq. 99-119; dhe “Gjurmët e edukimit Islam në sigurinë e shoqërisë,” nga dr. Abdullah el-Kadirij, fq. 168-192.
[2] Shiko: “Analiza rreth familjes” nga Sabri Shehini, fq. 12; dhe “Mesazhe për bijën time”, nga Muhamed el-Ebshihi, fq. 76.
- (11) Një person me urtësi i shkroi vëllait të tij këto fjalë
- Besimi në uluhijen e Tij (njëshmërinë e adhurimit)
- Pozita e Sunetit në raport me Kuranin
- Përpjekjet e dijetarëve për ruajtjen e hadithit
- (10) Asgjë nuk e zëvendëson dijen.
- (9) Cili është problemi më i madh për studentin sot
- (8) Studenti ka shumë nevojë për katër gjëra
- Devijim i pjesshëm nga ana e grupeve të ndryshme në zotërim
- (7) Nuk ka gjë më të dëmshme për studentin sesa këto gjëra
- (6) Dituria është shkëmbim
- (5) Për në rrugën e dijes, nuk duhet të justifikohesh asnjëherë me moshën
- Respektimi i Sunetit, vlera e hadithit dhe bartësve të tij
- (4) Rruga më e suksesshme për të pasur arritje në dije, është t’i marrësh dijet një e nga një
- (3) Sa më shumë zgjerohen njohuritë dhe dija, aq më tepër justifikon kundërshtarët
- Allahu është Urdhëruesi, kurse të tjerët përveç Tij janë të urdhëruar
