Pyetje: Kam dëgjuar një person i cili po bisedonte rreth mbledhjes së Kur’anit në një vend, dhe thoshte se mbledhja është bërë sipas renditjes së zbritjes, dhe se mbledhja e tij në një vend siç ekziston sot është bërë nga halifi Ebu Bekr (Allahu qoftë i kënaqur me të). Pra, a është e lejuar që Kur’ani të mblidhet sipas renditjes që ka pasur gjatë zbritjes, dhe çfarë gjykimi ka mbledhja e Kur’anit në një mus’haf siç ekziston sot?

Të gjitha lavdërimet i takojnë Allahut, Paqja dhe përshëndetjet e Allahut qofshin mbi të dërguarin e Tij, shokët dhe familjen e tij ... E më pas:

Përgjigja: Është obligim pranimi i plotë i renditjes së Kur’anit, sureve dhe ajeteve të tij, në përputhshmëri me atë që ekziston sot, dhe askujt nuk i lejohet të bëjë një shkelje të tillë ndaj tij duke ndryshuar radhitjen e tij. Sahabët e kanë marrë radhitjen e ajeteve të Kur’anit nga pejgamberi i Allahut (salallahu alejhi ue selem) dhe ka qenë unanim në këtë; kështu që, kjo është radhitje e bazuar në fjalën e të dërguarit (salallahu alejhi ue selem). Ndërsa, radhitja e sureve të Kur’anit është bërë me përpjekje dhe mund të sahabëve (Allahu qoftë i kënaqur me ta). E këshillojmë lexuesin e Kur’anit që ta mësojë atë dhe ta lexojë atë shpesh, ta meditojë atë, të punojë sipas përmbajtjes së tij, të thërras njerëzit për tek ai me po atë renditje që e ka, si dhe ti kushtojë vëmendje sunetit të pejgamberit (salallahu alejhi ue selem) duke e mësuar atë dhe duke punuar me të, sepse ajo është shpallja e dytë dhe shpjeguese (komentuese) e asaj që ka mundësi të fshihet prej kuptimeve të Fjalës së Allahut të Lartësuar. 

I gjithë suksesi është me Allahun! Paqja dhe përshëndetjet qofshin mbi të dërguarin tonë Muhamedin, familjen dhe shokët e tij!

Komisioni i përhershëm i hulumtimeve shkencore dhe fetwave

Anëtari:
Abdullah ibn Ku’ud

Anëtari:
Abdullah ibn Gudejan

Zëvendës-presidenti i komisionit:
Abdur-Rrezak ‘Afifi

• (11) Një person me urtësi i shkroi vëllait të tij këto fjalë
• Besimi në uluhijen e Tij (njëshmërinë e adhurimit)
• Pozita e Sunetit në raport me Kuranin
• Përpjekjet e dijetarëve për ruajtjen e hadithit
• (10) Asgjë nuk e zëvendëson dijen.
• (9) Cili është problemi më i madh për studentin sot
• (8) Studenti ka shumë nevojë për katër gjëra
• Devijim i pjesshëm nga ana e grupeve të ndryshme në zotërim
• (7) Nuk ka gjë më të dëmshme për studentin sesa këto gjëra
• (6) Dituria është shkëmbim
• (5) Për në rrugën e dijes, nuk duhet të justifikohesh asnjëherë me moshën
• Respektimi i Sunetit, vlera e hadithit dhe bartësve të tij
• (4) Rruga më e suksesshme për të pasur arritje në dije, është t’i marrësh dijet një e nga një
• (3) Sa më shumë zgjerohen njohuritë dhe dija, aq më tepër justifikon kundërshtarët
• Allahu është Urdhëruesi, kurse të tjerët përveç Tij janë të urdhëruar