Pyetja 4: Teksti i saj: (shkëmbi i Bejtul-Makdis i cili është shfrytëzuar për hipje ditën e ngritjes (mi'raxhit) së të dërguarit salallahu alejhi ue selem, na kanë thënë se qëndron pezull me Fuqinë e Allahut?) Na jepni përgjigje për këtë, Allahu ju shpërbleftë!

Pergjigja: Çdo gjë qëndron në vendin e vet me lejen e Allahut, qoftë në këta qiej dhe çfarë gjendet në ta, apo ne tokat dhe çfarë gjendet në to, e gjithashtu edhe shkëmbi për të cilin u shtrua pyetja. Allahu i Lartësuar ka thënë (përkthim i përshtatur): "Allahu i mban qiejt dhe tokën që të mos zhduken, e nëse zhduken s'ka kush pos tij që mund t'i mbajë;"¹ dhe Ai ka thënë (përkthim i përshtatur): "Prej shenjave (argumenteve) të Tij është se qiejt dhe toka qëndrojnë me urdhërin e Tij,"² (ajeti). Ndërsa shkëmbi i Bejtul-Makdisi-it nuk qëndron pezull në hapësirë dhe rreth tij të ketë ajër prej secilës anë të tij, por është i lidhur prej njërës anë me kodrën e cila është pjesë e tij dhe e mban atë; prandaj edhe ai edhe kodra qëndrojnë në vendet e tyre si pasojë e shkaqeve kosmologjike (natyrore) të zakonshme dhe të kuptimta. Gjendja e tyre në këtë aspekt është sikurse gjendja e të gjitha krijesave tjera. Sidoqoftë, nuk e mohojmë aftësinë e Allahut që ta mbajë një copë nga krijesat e Tij pezull në hapësirë, sepse tërësia e të gjitha krijesave mbahet në hapësirë me Fuqinë e Allahut, siç e cekëm. Pastaj, Allahu e pat ngritur kodrën (Turin) sipër popullit të Musait, kur refuzuan të punonin me atë që u kishte sjellë Musai prej ligjeve, dhe ajo qëndronte me Fuqinë e Allahut. Allahu tha (përkthim i përshtatur): "(Përkujtoni) kur Ne patëm marrë prej jush besën tuaj, dhe ngritëm mbi ju (kodrën) Turin: "Veproni sipas atij që ua dhamë (Tevratit) me seriozitet, dhe mësojeni atë që është në të, ashtu që të bëheni të devotshëm."³ Dhe ka thënë (përkthim i përshtatur): “Ne ngritëm sipër tyre malin, që dukej si hije e ata besonin se do të binte mbi ta, dhe u thamë: “Mbajeni fort atë që ju dhamë dhe kujtoni çfarë përmban ajo, që të ruheni nga gjynahet.”⁴ Por qëllimi është që të qartësohet e vërteta, se shkëmbi i cili gjendet në Bejtul-Makdis nuk qëndron pezull në hapësirë nga të gjitha anët, i shkëputur nga kodra shkëputje të plotë, përkundrazi është i lidhur me të dhe mbahet për të.      

Komisioni i përhershëm i hulumtimeve shkencore dhe fetwave

1 Fatir, 41
2 Er-Rrum, 25
3 El-Bekarah, 63
4 El-A’rafë, 171

• (11) Një person me urtësi i shkroi vëllait të tij këto fjalë
• Besimi në uluhijen e Tij (njëshmërinë e adhurimit)
• Pozita e Sunetit në raport me Kuranin
• Përpjekjet e dijetarëve për ruajtjen e hadithit
• (10) Asgjë nuk e zëvendëson dijen.
• (9) Cili është problemi më i madh për studentin sot
• (8) Studenti ka shumë nevojë për katër gjëra
• Devijim i pjesshëm nga ana e grupeve të ndryshme në zotërim
• (7) Nuk ka gjë më të dëmshme për studentin sesa këto gjëra
• (6) Dituria është shkëmbim
• (5) Për në rrugën e dijes, nuk duhet të justifikohesh asnjëherë me moshën
• Respektimi i Sunetit, vlera e hadithit dhe bartësve të tij
• (4) Rruga më e suksesshme për të pasur arritje në dije, është t’i marrësh dijet një e nga një
• (3) Sa më shumë zgjerohen njohuritë dhe dija, aq më tepër justifikon kundërshtarët
• Allahu është Urdhëruesi, kurse të tjerët përveç Tij janë të urdhëruar